Abenturaz eta kirolez betetako eguna izan da gaurkoa, ondo gozaldu ondoren, produktu biologikoak egiten dituen baserri bat bisitatu dugu. Bertako baserritarrak azaldu digunez, bertako behiak produktu kimikorik gabe hazten dituzte, okela bertakoei zuzenan salduz. Ondoren, zaldiz ibiltzeko aukera paregabea izan dugu. Baina zaldiekin denbora gehiago ibiltzeko gogoz geratu gara.

Jarraian, igerileku eta atrakzio ugari dituen parke batera joan gara. Igerilekuko ura oso hotz egon arren gustura hartu dugu bainua. Bazkaldu eta gero, arratsaldea atrakzioetan pasatu dugu, behin eta berriro igoz eta jeitziz, benetan barregarria non momentu onak pasa ditugu.

Gauean, elkartuke honen ondorioak partekatu ditugu era berezi batean, abestia, poster eta komiki baten bitartez. Talde bakoitzak lan handia egin du eta arte lanak egin ditugu.

Azkenengo gaua dugu gaurkoa, aprobetxatu egingo dugu.

Gaur goiz esnatu gara eta mendira irteera bat egin dugu eguraldi onaz gozatzeko. Autobusa hartu eta Radhost mendira abiatu gara. Teleaulkiaren laguntzaz mendi tontorreraino igo gara nekatu gabe, benetan dibertigarria. Bertan 9 kilometroko ibilalditxo bat egin dugu, Radhost monumentua eta Txekiar Errepublikako eliza katoliko garaiena ikusteko. Paseotxo bikaina izan da izugarrizko paisaiarekin. Jan ondoren, siesta egin dugu eta mendia jaisten hasi gara, oraingoan oinez. Autobusa hartu eta Autokempera bueltatu gara.

Gauean, denbora librea izan dugu, batzuk pelikula bat ikusi dute, beste batzuk berriketan ibili gara.

Kondairei buruzko tailer batekin hasi dugu eguna. Antzerkien bitartez herrialde bakoitzaren  istorioak aurkeztu ditugu. Gure aldetik, Olentzeroren pertsonaia nor den azaldu dugu, abesti eta guzti. Ondoren, herrialde bakoitzaren ezaugarri desberdinak (kultura, politika, gizartea, etab.) hobeto ezagutzeko aukera izan dugu, galdera-lehiaketa baten bitartez.

Arratsaldez, bizimolde osasuntsuaren inguruko hainbat dinamika burutu ditugu, Txekian eta Euskadin gazteen eguneroko bizitzan dauden ohiturak partekatzeko eta bideo bat egin dugu ongizatearen esanahiari buruz hausnartzeko.

Egunari amaiera eman diogu euskal gau interkulturalarekin. Euskal dantzak (esku dantza, zazpi jausi, etab.) erakutsi dizkiegu txekiarrei, eta oso ondo moldatu dira! Gure janaria dastatzeko aukera izan dute baita gauaren bukaeran.